Agar aap bhi ek Jio Sim ke upyogakarta hain aur apna mobile number kaise dekhein ya apna Jio SIM ka number kaise nikalein ke baare mein jaanna chahte hain toh aap bilkul sahi article padh rahe hain. Jahaan main aapko Jio Sim ke number nikalne ke bahut hi acche tarike batane vaala hoon.
Dosto, bhale hi hum kisi bhi telecom company ke sim card ka istemaal karte ho lekin hamein apne sim card ka number yaad rakhna bahut hi zaroori hai kyun ki iski kabhi bhi jarurat pad jaati hai. Chahe koi form bharna ho ya apne number ka recharge karvana ho ya phir kisi app ya website par registration karna ho.
Iske alawa bhi aapko kayi jagah apne number ki jarurat pad sakti hai. Lekin agar aapke paas zyada sim cards hain aur aapko sabhi ka number yaad rakhne mein dikkat hoti hai toh iske liye companies apne mobile se number pata karne ki suvidha deti hain.
Aur aaj hum isi ke baare mein jaanne vaale hain ki aakhir hum apne Jio Sim ka number kaise pata karein jisse hamein apne number ki jarurat padne ke waqt pareshaani na ho. Toh chaliye Jio ka number kaise nikalein jaan lete hain.
Jio Sim ka Number Kaise Nikalein
Aaj internet ka zamana hai, isliye kisi bhi kaam ko karne ke liye hamein kayi saare tarike mil jaate hain. Isi tarah hamein apna mobile number pata karne ke bhi kayi saare tarike mil jaate hain.
Lekin yahaan hum 7 tarike ke baare mein jaanenge jinke madhyam se hum bahut hi aasaani se apna Jio number ka pata paayenge. Toh chaliye Jio number nikalne ke tarike jaan lete hain.
1. 1299 par Call karke Jio Sim ka Number Kaise Pata Karein
Dosto, yeh hamara sabse pehla aur accha tarika hai jisme aapko sirf apne Jio number se 1299 par call karna hai. Yeh ek recharge plan check karne ka number hai jispar call karne par call ek ring bajne ke baad automatic kat jayega.
Iske baad aapke number par ek message aayega jisme aapka number aur aapke number par activate recharge plan aur uski expiry date dikhayi jayegi. Jahaan se aap apne number ke saath hi apne plan ki validity bhi dekh sakte hain.
2. SMS karke Jio ka Number Kaise Pata Karein
Agar aap SMS ke madhyam se apna number check karna chahte hain toh iske liye apna message box kholkar "BAL" likhein aur jis sim ka number jaanna hai usse 199 par send kar dein. Message bhejne ke kuch samay ke baad aapko ek SMS prapt hoga jisme aapka mobile number aur recharge plan ki detail dikhayi degi.
3. Mobile ki Settings se Jio Number Kaise Jaanein
- Sabse pehle apne mobile ki settings mein jaayein.
- Ab SIM cards & Mobile networks ke option par click karein.
- Kuch mobile mein yeh option sirf "Mobile Networks" ke naam se bhi hota hai.
- Ab aapke SIM card ka naam aur number dikhayi dega.
- Yadi do sim hain to dono ke naam aur number dikhayi denge.
4. My Jio App se Jio ka Number Kaise Nikalein
Adhiktar logon ke mobile mein My Jio App hota hai, yahaan se bhi aap apna number jaan sakte hain. Iske liye aapko My Jio App ko open karna hoga. Fir right side mein sabse niche dikhaye 3 Line (Menu) option par click karein. Yahaan par aapka naam aur number dikhayi denge.
5. Call karke apna Jio Number Kaise Pata Karen
Jio number jaan sakte hain. Agar aapke paas itna samay nahi hai ki aap usse call par baat karke number pooch sakein toh aap apne paas mein kisi vyakti ka number lekar uske number par call kar sakte hain. Uske mobile mein apna number dikhayi dega.
6. Customer Care se Jio Number Kaise Jaanein
Aap Jio ke Customer Care par call karke bhi apna number pata kar sakte hain. Iske liye 198 par call karein aur grahak salahkar se baat karne ka option chunein. Iske baad unhe apna number batayein. Yahaan se bhi aap bahut hi aasaani se apna number pata kar sakte hain.
7. Caller Tune Set karke Jio Sim ka Number Kaise Pata Karein
Ab aapke dimaag mein sawaal aa raha hoga ki Jio caller tune set karke apna number kaise pata karein. Toh yeh bahut hi aasaan hai. Sabse pehle aap apne number par apni pasand ki caller tune set karein. Iske baad aapke number par ek Confirmation Message aayega jisme aapka number dikhayi dega.
Note:
Hamesha dhyaan dein ki jab bhi aap apna Jio Sim ka number nikalte hain, toh sunishchit karein ki aap apni personal information ko surakshit rakhein aur use kisi ke saath na sajha karein.
Antim Vichar
Jio Sim aajkal har kisi ke paas hoti hai, aur iske saath hi number ki mahatvapurna bhoomika hoti hai. Apne number ka pata rakhna aapke liye kayi saari sthitiyon mein kaam aa sakta hai, aur uparokt tarike se aap aasaani se apna number nikal sakte hain. Toh ab aapko apne Jio Sim ka number nikalne mein kisi bhi prakar ki pareshani nahi hogi.